८ असार, काठमाडौं - पश्चिमाञ्चलले प्रथम राष्ट्रिय विद्यालय तेक्वान्दो प्रतियोगितामा शनिबार शीर्ष स्थान हात पारेको छ । पश्चिमाञ्चलले ६ स...
दोश्रो भएको मध्यमाञ्चलले ४ स्वर्ण, ३ रजत र ५ कांस्य हात पार्यो । २ स्वर्ण, ३ रजत र २ कांस्यसाथ राष्ट्रिय विद्यालय तेक्वान्दो महासंघ तेश्रो भयो । राष्ट्रिय तेक्वान्दो युनियन- नेपालद्वारा आयोजित प्रतियोगिताअन्तर्गत पुरुषको ५५-५८ केजीमा ज्ञानज्योति एकेडेमी, पश्चिमाञ्चलका अजयकुमार रिजाल, ४० केजीमा श्री जनज्योति उमावि, राष्ट्रिय विद्यालय तेक्वान्दो महासंघका रमेश विश्वकर्मा, ५५ केजीमा ज्ञानज्योतिका रविन अधिकारी, ५१ केजीमा लखन थापा मावि, पश्चिमाञ्चलका सुमन सारु मगर तथा ३५ केजीमा पूर्वाञ्चलका प्रकाश भट्टराईले स्वर्ण जिते ।
त्रिपुरेश्वरस्थित राखेपको ओलम्पियन सेमीकभर्डहलमा भएको महिला ४४ केजीमा श्री प्रगति मावि, मध्यमाञ्चलकी श्रसिना थापा, ५२ केजीमा रामनगर एकेडेमी, पश्चिमाञ्चलकी पार्वती पाण्डे, ४९ केजीमा परोहा उमावि, पश्चिमाञ्चलकी विस्ना खत्री, ३८ केजीमा प्रगति उमावि, महासंघकी मनिता लम्साल, ४२ केजीमा गौरीशंकर स्कुल, मध्यमाञ्चलकी संगीता पुलामी तथा ४६ केजीमा ज्ञानज्योति, पश्चिमाञ्चलकी तारा पराजुलीले स्वर्ण चुमे ।
दुईदिने प्रतियोगितामा पाँच विकास क्षेत्रको ५ र राष्ट्रिय विद्यालय तेक्वान्दो महासंघको १ गरी ६ टिमका ७८ खेलाडीले १३ स्वर्णका लागि प्रतिस्पर्धा गरेका थिए ।
